"Manchester Yunayted" "Barselona"ga bosim o'tkazmoqda

"Manchester Yunayted" "Barselona"dan yarim himoyachi Frenki de Yongning kelajagi borasida tezroq bir qarorga kelishini so'ramoqda. Eslatib o'tamiz, Manchester klubining yangi bosh murabbiyi Erik ten Xag yarim himoyachini o'z jamoasida ko'rishni istaydi.

Goal nashri xabariga ko'ra, "Manchester Yunayted" De Yongning kelajakdagi rejalari haqida iloji boricha tezroq bilib olmoqchi. Futbolchi avvalroq o'yin amaliyoti bilan bog'liq muammolarga qaramay, "Barselona"da qolishni istashini aytgandi.

Shuningdek, "Barselona" bosh murabbiyi Xavi moliyaviy muammolar tufayli klub De Yongni sotishi mumkinligini tasdiqlagan edi.