"Inter" hujumchisi La Ligaga qaytishi mumkin

"Sevilya" "Inter" hujumchisi Aleksis Sanchesga qiziqish bildirmoqda, deya xabar beradi Tuttomercatoweb.

Manba bergan xabarga ko'ra, ispan klubi rahbariyati futbolchining jamoasi bilan muzokara olib borgan. Sanchesning "Inter" bilan shartnomasi 2023 yilning yoziga qadar mo'ljallangan. Transfermarkt hujumchini 3,5 million evroga baholamoqda.

33 yoshli chililik futbolchi o'tgan mavsumda “neradzurrilar” safida 39 o'yin o'tkazib, 9 ta gol urdi va 5 ta golli uzatmani amalga oshirdi.

Ilgari Sanches "Barselona", "Arsenal" va "Manchester Yunayted" kabi klublarni himoya qilgan.