«Real» 80 mln evro evaziga «Monako» yulduzini sotib olishga yaqin. Unga «PSJ» ham da'vogar
/ Kiritdi: BestMaster Ko'rilgan: 95
«Monako» yarim himoyachisi Orelen Tchuameni faoliyatini La Ligada davom ettirishi mumkin.
22 yoshli futbolchi Madridning «Real» klubi bilan kelishuvga erishgan. Tomonlar 5 yillik shartnoma borasida kelishib olgan, deya xabar beradi RMC Sport.
«Qaymoqranglilar» futbolchi uchun 80 million evro va qo'shimcha bonuslar to'lashi aytilmoqda.
Frantsuzga «PSJ»dan ham jiddiy qiziqish bor. Parijliklar Tchuamenining agentlari bilan bog'langan va transfer borasida muzokara o'tkazgan. Uning transferini Kilian Mbappe xohlamoqda.
Avvalroq Kilian Mbappe transferi barbod bo'lgach, «Real» Orelen transferiga diqqatini qaratgani xabar qilingandi.
Orelen «Bordo» tarbiyalanuvchisi hisoblanib, 2020 yilning yozida 18 million evro evaziga «Monako»ga o'tgandi. Tchuameni joriy mavsum «Monako» safida Frantsiya chempionatida 35 ta o'yinda ishtirok etib, 3 ta gol va 2 ta golli uzatmaga mualliflik qildi.
Bosh sahifaga
231