"Bayer" Azmunga raqobatchi olib kelmoqda

Praganing “Sparta” klubi hujumchisi Adam Glojek faoliyatini Germaniya chempionatida davom ettirishi mumkin.

19 yoshli hujumchi xizmatlariga Leverkuzenning "Bayer" klubi qiziqish bildirmoqda. Bu haqda jurnalist Fabritsio Romano ijtimoiy tarmoqlar orqali xabar berdi.

Insayderning so'zlariga ko'ra, kelishuv “dorichilar”ga 13 million evroga tushadi. Yaqin orada Glojek tibbiy ko'rikdan o'tadi va shartnoma imzolaydi. U hujumda eronlik Serdar Azmun bilan raqobatlashadi.

Glojek "Sparta" akademiyasining bitiruvchisi. Praga klubi tarkibida u 132 ta o'yin o'tkazib, 40 ta gol urgan va 36 ta golli uzatmani amalga oshirgan.