"Liverpul" Niderlandiya chempionatidan yarim himoyachi topdi

"Liverpul" Niderlandiyaning PSV klubi yarim himoyachisi Ibrohim Sangareni o'z safiga qo'shib olmoqchi, deya xabar beradi jurnalist Ekrem Konur o'zining ijtimoiy tarmog'ida.

Oldinroq, ivuarlik futbolchiga Londonning "Chelsi" klubi qiziqish bildirayotgani haqida xabarlar tarqalgan edi.

24 yoshli himoyachi o'tgan mavsumda Niderlandiya klubi safida 49 ta o'yinda maydonga tushib, 4 ta gol urdi va 4 ta golli uzatmani amalga oshirdi.

Futbolchi 2020 yildan buyon PSVda o'ynab kelmoqda. Ilgari u Frantsiyaning “Tuluza” sharafini himoya qilgan.