Torresning "MYu"ga o'tishiga "Tottenxem" to'sqinlik qilmoqchi

"Vilyarreal" himoyachisi Pau Torresga "Manchester Yunayted" va "Tottenxem" klublari qiziqish bildirmoqda. Futbolchi Erik ten Xag jamoasiga o'tishga intilmoqda.

"Tottenxem" o'tgan yozdayoq futbolchini olishga urinib ko'rgandi va uning uchun 50 million evro taklif qilgandi, biroq Torres yana bir mavsum ispan klubida qolishga qaror qilgandi.

"Manchester Yunayted"ning yangi bosh murabbiyi Erik ten Xag bu yozda yangi jamoa tuzishni rejalashtirmoqda va Cadena Ser nashri ma'lumotiga ko'ra, himoyachi loyihaning bir qismi bo'lishni xohlaydi.

Joriy mavsumda futbolchi La Ligada 33 ta o'yin o'tkazib, 5 ta gol urdi va 1 ta golli uzatmani amalga oshirdi.