"Arsenal" hujumchisi Frantsiya chempionatiga qaytishga yaqin turibdi

"Arsenal" hujumchisi Aleksandr Lyakazett "Lion" bilan shartnoma imzolashga yaqin turibdi.

Futbolchining London klubi bilan shartnomasi shu yilning yozida tugaydi va tomonlar shartnomani uzaytirmaslikka qaror qilishgan.

Avvalroq futbolchiga ingliz va ispan jamoalaridan takliflar bo'lgani xabar qilingandi, ammo Lyakazett o'z shahri jamoasiga qaytishga qaror qildi.

Futbolchi 2009 yildan 2017 yilgacha "Lion" safida 8 mavsum o'tkazgan.

Lyakazett joriy mavsumda Premer-ligada 30 ta o'yinda maydonga tushib, 4 ta gol urdi va 7 ta golga assistentlik qildi. Chempionatning so'nggi o'yinlarida futbolchi “kanonirlar”ning asosiy tarkibida kamroq maydonga tushdi.