Zidan «Real»ni tark etmoqchi bo'layotgan Varanning o'rniga himoyachi topdi

«Real» rahbariyati yozgi transfer paytida boshqa jamoaga o'tmoqchi bo'lgan Rafael Varanning o'rniga boshqa futbolchi qidira boshladi.

As nashri tarqatgan xabarga ko'ra, "Qirollik klubi" bosh murabbiyi Zayniddin Zidan frantsiyalik futbolchining o'rniga «Napoli» himoyachisi Kalidu Kulibalini olib kelmoqchi. "Qaymoqranglilar" prezidenti Florentino Peres esa «Atletiko» himoyachisi Xose-Mariya Ximenes nomzodiga qiziqmoqda.

Varanning "Real" bilan shartnomasidagi tovon puli 120 million evroni tashkil qiladi. Kulibalining bunday summasi 150 million evroga teng, ammo u 2020 yildan boshlab kuchga kiradi.

Avvalroq «Napoli» bosh murabbiyi Karlo Anchelotti bayonot berib, yozgi transfer paytida jamoa etakchilari, jumladan, 27 yoshli Kulibali jamoani tark etmasligini aytgandi.