«Chelsi»ning yangi xo'jayinlari yozda transferlar uchun 200 mln funt ajratishga tayyor

«Chelsi» bosh murabbiyi Tomas Tuxel yozgi transferlar vaqtida 200 million funt xarajat qilishi mumkin. Todd Bouli konsorsiumi London klubini xarid qilgach, transferlar uchun shuncha pul ajratmoqchi.

«Chelsi»ning asosiy maqsadi himoya chizig'ini kuchaytirish. Yozda jamoani Antonio Ryudiger, Andreas Kristensen va katta ehtimol bilan Sezar Aspilikueta ham tark etadi.

«Aristokratlar» Jyul Kunde («Sevilya») va Yoshka Gvardiol («Leyptsig») variantlarini ko'rib chiqmoqda. Londonliklarning ro'yxatida 8 himoyachi, jumladan, Pau Torres («Vilyarreal») va Xose Ximenes («Atletiko») o'rin olgan.

Shuningdek, «Chelsi» Orelen Tchuameniga ham qiziqish bildirdi. Ammo «Monako» yarim himoyachisi «Real»ga o'tishni xohlamoqda. «Vest Hem» esa o'z futbolchisi Deklan Raysni 150 million funtga baholamoqda.

Timo Verner, Hakim Ziyosh yoki Kristian Pulishich sotib yuborilsa, «ko'klar» 2023 yilda erkin agentga aylanadigan Rahim Sterling («Manchester Siti») transferini ko'rib chiqadi.

«Chelsi» hujumchisi Romelu Lukakuning kelajagi esa hozircha noma'lum bo'lib qolmoqda.

Manba: daryo.uz