"Barselona" Depayning transferidan qancha mablag' ishlab olmoqchi ekanligi ma'lum qilindi

"Barselona" hujumchi Memfis Depayning transferidan 20 million evro olishga umid qilmoqda.

Niderlandiyalik hujumchining Kataloniya klubidagi kelajagi noma'lumligicha qolmoqda.

So'nggi ma'lumotlarga ko'ra, "Barselona" yozgi mavsumda "Bavariya" hujumchisi Robert Levandovskini qo'lga kiritishga muvaffaq bo'lsa, futbolchini sotishi mumkin, deb xabar beradi Sport nashri.

Avvalroq, hujumchining o'zi ispan klubida qolib, keyingi mavsumni u erda o'tkazishga umid qilayotgani haqida ma'lumotlar paydo bo'lgandi.

Joriy mavsumda futbolchi La Ligada 28 ta o'yinda maydonga tushib, 12 ta gol urdi va 2 ta golli uzatmani amalga oshirdi.