"Real" Tchuamenining transferi borasida muammoga duch keldi

"Real" "Monako" yarim himoyachisi Aurelien Tchuameni uchun 80 million evro sarflashga tayyor emas va uning narxini pasaytirishga harakat qilmoqda.

Oldinroq Madrid klubi futbolchining transferi bo'yicha to'liq kelishib olgani haqida ma'lumot paydo bo'lgandi, biroq so'nggi ma'lumotlarga ko'ra, "Real" haligacha futbolchining transferini yakunlagani yo'q, deb yozmoqda ispan matbuoti.

Bundan tashqari, yarim himoyachiga "PSJ" va "Liverpul" klublari ham qiziqish bildirmoqda. Bu ikki klub "Monako" talab qilayotgan narxni to'lashi mumkin.

Joriy mavsumda Tchuameni Frantsiya chempionatida 35 ta o'yinda maydonga tushib, 3 ta gol urdi va 2 ta golli uzatmani amalga oshirdi.