"Liverpul" futbolchisi uchun "PSJ" asosiy da'vogar bo'lib turibdi

"Liverpul"ning eng yaxshi futbolchilaridan biri Sadio Manega transfer bozorida talab katta. Shu yilning yozida futbolchi uchun jiddiy kurash kechishi ehtimoldan xoli emas.

Sport.es nashrining yozishicha, senegallik hujumchiga kataloniyalik “Barselona”, Myunxenning “Bavariya” va Frantsiyaning “PSJ” klublari da'vogarlik qilishmoqda. Ispaniyalik jurnalistlarning ta'kidlashicha, 30 yoshli hujumchi uchun kurashdi parijliklar etakchilik qilmoqda.

Afrikalik futbolchining transfer narxi 80 million evroga baholanmoqda. Uning ingliz klubi bilan amaldagi shartnomasi kelasi yili yakuniga etadi.