"Latsio" o'z futbolchisini qanday sharoitda qo'yib yuborishini ochiqladi

Rimning «Latsio» klubi prezidenti Klaudio Lotito serbiyalik yarim himoyachi Sergey Milinkovich-Savichni qanday sharoitda boshqa jamoaga qo'yib yuborishga tayyor ekanligi haqida fikr bildirdi.

Lotitoning ta'kidlashicha, ko'plab yirik klublar o'z safiga serbiyalik futbolchini qo'lga kiritishni xohlashmoqda. «Latsio» prezidenti agar top-jamoalardan biriga haqiqatdan ham barchaga ma'qul keladigan katta taklif tushsa, Milinkovich-Savichni qo'yib yuborishga tayyor bo'lishini ta'kidladi.

Eslatib o'tamiz, joriy mavsumda Sergey Milinkovich-Savich Italiya chempionatida 37 ta o'yin o'tkazib, 11 ta gol va 11 ta golli uzatmani amalga oshirgan.