«Barselona» Mata bilan muzokara boshladi

«Barselona» klubi «Manchester Yunayted» yarimhimoyachisi Xuan Mata xizmatiga qiziqish bildirmoqda. 

Kataloniya klubi ispaniyalik futbolchining agenti va otasi bilan muzokara boshlagan. «Barselona» uni yozda o'z tarkibiga qo'shib olishi mumkin.

Mataning «Manchester Yunayted» bilan imzolagan shartnomasi 2019 yil yozida o'z nihoyasiga etadi va u erkin agentga aylanadi.

Avvalroq, «Arsenal» klubi uning transferiga qiziqish bildirayotgani haqida xabarlar tarqalgan edi.

Joriy mavsumda Mata barcha musobaqalarda 29ta o'yin o'tkazib, 5ta gol urgan va 3ta golga hammualliflik qilgan.