"Barselona" o'z safiga "MYu"ning sobiq futbolchisini qo'shib olishi mumkin

"Barselona" rahbariyati "Lids" vingeri Rafinyaga muqobil variant sifatida "Manchester Yunayted" va "Real Sosedad"ning sobiq yarim himoyachisi Adnan Yanuzayning nomzodini ko'rib chiqmoqda, deya xabar bermoqda Goal portali.

Manbaga ko'ra, belgiyalik futbolchiga yana bir da'vogar "Napoli" hisoblanadi.

27 yoshli Yanuzay o'tgan mavsumda "Real Sosedad" safida 44 ta o'yinda maydonga tushib, 5 ta gol urdi va 3 ta golga assistentlik qildi.

Oldinroq futbolchi ispan klubini erkin agent sifatida tark etgani haqida xabarlar tarqalgan edi.

2013 yildan 2017 yilgacha yarim himoyachi "Manchester Yunayted" sharafini himoya qilgan.