"Ayaks" darvozaboni Niderlandiyaning boshqa klubi safiga ko'chib o'tdi

"Ayaks" klubining polshalik tajribali darvozaboni Pshemislav Titon klubini o'zgartirishga qaror qildi.

35 yoshli polshalik darvozabon "Tvente" klubi bilan shartnoma imzoladi. Bu haqda "Tvente" klubi matbuot xizmati xabar berdi. Titon "Tvente" bilan yana bir mavsumga uzaytirish imkoniyati bilan ikki yillik shartnoma imzoladi.

Eslatib o'tamiz, polshalik posbon yangi klubiga erkin agent sifatida o'tdi.

Titon bu mavsumda "Ayaks" tarkibida bitta ham o'yinda maydonga tushmadi. Bungacha polshalik darvozabon "Tsintsinnati", "Deportivo", "Shtutgart", "Elche", "PSV" va «Rode» jamoalari darvozasini ham himoya qilgan.