"Napoli" La Ligadan himoyachi sotib oldi

Ispaniyaning “Xetafe” klubini urugvaylik himoyachisi Matias Olivera faoliyatini Italiya chempionatida davom ettiradi.

Insayder Nikolo Skiraning xabar berishicha, 24 yoshli urugvaylik futbolchi keyingi mavsumda “Napoli”da o'ynaydi. Himoyachi tez orada tibbiy ko'rikdan o'tadi, shundan so'ng neapolliklar klubi bilan 2027 yilning yoziga qadar shartnoma imzolanishi rasman e'lon qilinadi. Transfermark portali Oliverning narxini 15 million evroga baholagan.

Joriy mavsumda Matias Olivera Ispaniya chempionatida 32 ta o'yin o'tkazib, 1 ta gol va 3 ta golli uzatmaga mualliflik qilgan.