"Roma" Dibalaga rasmiy taklif yubordi, Totti argentinalik futbolchiga o'zining 10-raqamini bermoqchi

Turinning “Yuventus” klubini tekinga tark etgan hujumchi Paulo Dibala poytaxtning “Roma” klubidan rasmiy taklif oldi. Bu haqda jurnalist Sezar Luis Melo ijtimoiy tarmoqlar orqali ma'lum qildi.

Jurnalistning qayd etishicha, muzokaralarda Rim klubi afsonasi Franchesko Totti ishtirok etmoqda. Agar Paulo «bo'rilar»ning taklifini qabul qilsa, «imperator» Dibalaga o'ninchi raqamni berishga tayyor.

Italiya chempionati yakunlangan mavsumida argentinalik hujumchi 29 uchrashuvda qatnashib, o'nta gol urdi va beshta golli uzatmani amalga oshirdi.