"Bavariya" "Liverpul" forvardini nishonga oldi

"Bavariya" "Liverpul" hujumchisi Sadio Manega qiziqish bildirmoqda. Futbolchining transferi Myunxen klubi uchun yozgi transfer oynasidagi ustuvor maqsad, deb yozadi  Sky Sport Deutschland nashri.

Ushbu transferni "Bavariya" sport direktori Hasan Salihamijich istamoqda.

Salihamijich senegalliklarning manfaatlarini himoya qiluvchi ROOF agentligi menejerlaridan biri bilan uchrashdi va suhbat davomida Manening ehtimoliy transferi masalasi ko'tarildi.

30 yoshli senegallik joriy mavsumda “Liverpul” safida barcha turnirlar doirasida 46 ta o'yinda maydonga tushib, 20 ta gol va 4 ta golli uzatmani amalga oshirdi. Uning klub bilan amaldagi shartnomasi 2023 yilning iyun oyi oxirigacha amal qiladi.