«Barselona» Levandovskini qo'lga kiritish uchun jiddiy harakatlarni boshladi

«Barselona» klubi rahbariyati Robert Levandovskining transferi yuzasidan «Bavariya»ga dastlabki rasmiy taklifni yubordi.

Kataloniyaliklar 33 yoshli futbolchi uchun myunxenliklarga 32+5 mln evro taklif qilishdi. «Bavariya» rahbariyati hozircha ushbu taklifga javob qaytarmadi. Bu haqda "Sky Sport Deutschland" jurnalisti Florian Plettenberg xabar tarqatdi.

Levandovskining o'zi esa «Barselona» bosh murabbiyi Xavi bilan 2 marta telefon orqali gaplashdi. Ispaniyalik mutaxassis Levandovskiga o'z rejalarini tushuntirdi va undan sof markaziy hujumchi sifatida foydalanmoqchi ekanini aytdi.

Robert yakunlangan mavsumda «Bavariya» safida barcha musobaqalar doirasida 50ta o'yinda maydonga tushib, 46ta gol urdi.