"Tottenxem" Kulushevski uchun qancha pul sarflashi ma'lum

"Tottenxem" Turinning "Yuventus" klubi yarim himoyachisi Deyan Kulushevskini to'liq sotib olmoqchi. Nikolo Skiraning fikricha, transfer summasi olti oylik ijara uchun to'lovni hisobga olgan holda 45 million evroni tashkil qiladi.

Kulushevski "Tottenxem"ga Chempionlar Ligasi yo'llanmasini qo'lga kiritishga yordam berdi. Shvetsiyalik yarim himoyachi joriy mavsum Angliya Premer-ligasida 5 ta gol va 8 ta golli uzatmani amalga oshirdi.

Eslatib o'tamiz, kecha Kulushevski "Norvich"ga qarshi mavsumdagi so'nggi o'yinda 2 gol muallifiga aylangan edi. Antonio Konte qo'l ostidagi "Tottenxem" mavsumni turnir jadvalida to'rtinchi o'rinda yakunladi.