Eriksenga APLning uchta klubidan takliflar bor

"Brentford" yarim himoyachisi Kristian Eriksen Premer-liganing uchta klubidan taklif oldi.

Shu bilan birga, "Brentford" 30 yoshli daniyalik bilan yangi shartnoma imzolash uchun muzokara boshlashga tayyor.

Avvalroq, Eriksenga "Tottenxem" va "Lester" klublari qiziqayotgani haqida xabarlar tarqalgan edi. Futbolchining "Brentford" bilan shartnomasi mavsum oxirigacha amal qiladi va yana bir yilga uzaytirilishi mumkin.

Yarim himoyachi 2022 yilning yanvaridan beri "Brentford" safida to'p suradi, daniyalik futbolchi bu jamoada 9 o'yinda 1 ta gol va 3 ta golga assistentlik qilgan.