"Yuventus" Kulibali uchun kurashga qo'shildi

"Yuventus" "Napoli" himoyachisi Kalidu Kulibaliga qiziqish bildirmoqda, deb xabar bermoqda Tuttosport.

Manbaga ko'ra, senegallik futbolchini jamoaga olib kelish tashabbuskori turinliklar bosh murabbiyi Massimiliano Allegri hisoblanadi. Biroq, "Napoli" klubi Kulibali bilan xayrlashmoqchi emas.

Oldinroq 30 yoshli himoyachi "Barselona"ga o'tishi mumkinligi haqida xabarlar tarqalgan edi.

Kulibali “Napoli”da 2014 yildan buyon to'p suradi. Joriy mavsumda futbolchi neapolliklar safida 34 ta o'yin o'tkazib, 3 ta gol urdi va shuncha golli uzatmani amalga oshirdi.