Mbappe "Real"ning rejalarini barbod qildi: "qaymoqranglilar" bor e'tiborini "Liverpul" hujumchilariga qaratishdi

Madridning “Real” klubi frantsiyalik Kilian Mbappening transferi buzilganidan so'ng hujumga yangi futbolchilarni qidirishda davom etmoqda.

Football Espana xabariga ko'ra, "Qirollik klubi" "Liverpul" yulduzlaridan birini o'z safiga qo'shib olish niyatida.

"Qaymoqranglilar"ning qiziqish doirasiga Angliya chempionatining eng yaxshi to'purariga aylangan misrlik Muhammad Saloh va senegallik Sadio Mane kiradi. "Real" "mersisaydliklar"ning ushbu futbolchilaridan biri bilan yozgi transfer bozorida muzokara olib borishga harakat qiladi.

Salohning narxi 100 million evroga baholanmoqda, Manening narxi esa 80 millionni tashkil qiladi. Ikkala futbolchining ham “qizillar” bilan shartnomasi tugashiga bir yil vaqt bor.