"Real" super transfer amalga oshirishi mumkin

"Manchester Siti" futbolchisi Ilkay Gyundogan faoliyatini Ispaniya chempionatida davom ettirishi mumkin, deya xabar beradi Marca.

Manbaning ta'kidlashicha, 31 yoshli Germaniya terma jamoasi a'zosi ingliz klubini "Real" Madridga almashtirishi mumkin. Gyundogan bugun Ispaniya poytaxtiga uchib ketgan va katta ehtimol bilan "qaymoqranglilar" rahbariyati bilan transfer borasida muzokara olib boradi.

Shuningdek, Ilkayga Kataloniyaning "Barselona" jamoasi ham qiziqish bildirgan.

Nemis futbolchi joriy mavsum "shaharliklar" safida 42 uchrashuvda maydonga tushib, 8 gol va 7 ta golli uzatma muallifiga aylangan.

Transfermarkt ma'lumotlariga ko'ra, xavbekning narxi 35 million evroni tashkil qiladi. Uning "Manchester Siti" bilan shartnomasi 2023 yilning yoziga qadar amal qiladi.