"Barselona" himoyachisidan tezroq qutulmoqchi

"Barselona" o'ng qanot himoyachisi Serjino Destni 30 million evroga sotishi mumkin.

21 yoshli futbolchi Xavining kelajakdagi rejalariga kiritilmagan, Kataloniya klubi esa amerikalik futbolchini shu yozda transfer bozoriga qo'ymoqchi. Jurnalist Ekrem Konurning yozishicha, “Barselona” Destni sotishdan 30 million evro ishlab olmoqchi.

Serjino Destaning "ko'k-anorranglilar" bilan shartnomasi 2025 yilning yoziga qadar amal qiladi. Joriy mavsumda himoyachi barcha musobaqalarda 31 marta maydonga tushib, 3 ta golli uzatma muallifiga aylandi. Transfermarkt portali amerikalik futbolchining qiymatini 18 million evroga baholamoqda.