Konte rahbariyatdan Zelinskini sotib olishini talab qilmoqda

“Napoli” yarim himoyachisi Pyotr Zelinski faoliyatini Londonning “Tottenxem” jamoasida davom ettirishi mumkin.

Calciomercato nashri xabariga ko'ra, "shporlar" bosh murabbiyi Antonio Konte mavsum oralig'ida yarim himoyachini transfer qilish niyatida.

Zelinski so'nggi mavsumlarda "Napoli" yarim himoyasida asosiy o'yinchilardan biri bo'ldi. "Tottenxem" bosh murabbiyi Antonio Konte "Yuventus"dan Deyan Kulushevski va Rodrigo Bentankurning transferidan so'ng jamoasini A Seriya futbolchilari bilan to'ldirishda davom etmoqchi.

Eslatib o'tamiz, Zelinski avvalroq A seriyada "Udineze" tarkibida o'ynagan. «Napoli» polshalik yarim himoyachini 2016 yilning yozida o'z safiga qo'shib olgandi.