"Real" yarim himoyachisi "Manchester Siti"ga o'tishi mumkin

"Real" yarim himoyachisi Isko Angliya premer-ligasiga o'tishi mumkin. 30 yoshli futbolchiga "Manchester Siti" qiziqish bildirmoqda. Bu haqda Britaniya OAVlari yozmoqda.

Iskoning "Real" bilan shartnomasi 2022 yilning yoziga qadar mo'ljallangan. Ispaniyalik futbolchi mavsum oxirida klubni tekinga tark etadi.

Oldinroq Isko "Fiorentina"ga o'tishi, "Malaga"ga qaytishi, shuningdek, "Betis"da Manuel Pellegrini bilan yana birlashishi mumkinligi haqida xabarlar tarqalgan edi.

Joriy mavsumda Isko barcha musobaqalarda 16 ta o'yinda maydonga tushdi. Futbolchi ikkita gol urdi.