Levandovskining rafiqasi hujumchiga yangi klub tanladi

Hujumchi Robert Levandovski yozda “Bavariya”ni tark etishga yaqin turibdi. Sport1.de saytining xabariga ko'ra, polshalik to'purarning rafiqasi Anna o'z oilasi uchun yangi mamlakat tanlashga qaror qilgan.

Manbaga ko'ra, Robertning turmush o'rtog'i Ispaniyaga ko'chib o'tmoqchi. Ispaniyada "Barselona" Levandovskiga doimiy ravishda qiziqish bildirmoqda. Anna Kataloniyada hayotining yangi bosqichini boshlamoqchi.

Levandovskida faoliyatini Angliya chempionatida davom ettirish imkoniyati ham bor, biroq uning rafiqasi Tumanli Albionga o'tishga mutlaqo qarshi.

Robertning "Bavariya" bilan amaldagi shartnomasi 2022/2023 yilgi mavsum oxirida yakuniga etadi.