"Chelsi" o'z himoyasini "Atletiko" futbolchisi bilan kuchaytirmoqchi

"Chelsi" "Atletiko" himoyachisi Renan Lodini sotib olmoqchi. London klubi bosh murabbiyi Tomas Tuxel futbolchi bilan jamoaning himoya chizig'ini kuchaytirishga umid qilmoqda.

Fichajes nashrining xabariga ko'ra, agar foydali taklif tushsa, "Atletiko" futbolchi bilan xayrlashishga tayyor. Futbolchiga "Nyukasl" ham qiziqmoqda.

"Chelsi" yozgi transfer oynasida bir vaqtning o'zida bir nechta himoyachini yo'qotishi mumkin. Avvalroq, Markos Alonso va Sezar Aspilikueta "Barselona"ga o'tishga yaqin ekani haqida ma'lumotlar paydo bo'lgandi.

Lodi joriy mavsumda La Ligada 29 ta o'yinda maydonga tushib, 2 ta gol urdi va 2 ta golli uzatmani amalga oshirdi.