"Benfika" hujumchisi "MYu"ga o'tishdan bosh tordi, unga EChLda o'ynaydigan klub kerak

Lissabonning "Benfika" klubi hujumchisi Darvin Nunes Tumanli Albionga o'tishni istamayapti. RMC Sport xabariga ko'ra, urugvaylik futbolchiga "Manchester Yunayted" va "Nyukasl" klublaridan takliflar bo'lgan, biroq u Chempionlar ligasida o'ynaydigan jamoa izlayotgani uchun bu klublarning takliflarini rad etgan.

Darvin faoliyatini davom ettirishning eng ehtimoliy variantlaridan biri - bu Frantsiyaning "PSJ" klubidir. Tomonlar muzokara jarayoniga allaqachon kirishgan.

Joriy mavsumda Darvin bir qator klublarning e'tiborini tortgan yuqori ko'rsatkichlarni namoyish etmoqda. Hujumchi Portugaliya chempionatining 28 ta uchrashuvida 26 ta gol urdi va 4 ta golli uzatmani amalga oshirgan.