"Lester" Shmeyxelning o'rniga boshqa darvozabon topdi

"Brayton" darvozaboni Robert Sanchesga "Lester" qiziqish bildirmoqda. Bu haqda The Telegraph nashri xabar bermoqda.

Manbaga ko'ra, Sanches kelajagi noaniq bo'lgan Kasper Shmeyxelning o'rnini egallashi mumkin. “Tulkilar” “Brayton” darvozaboni uchun deyarli 60 million evro taklif qilishga tayyor. Robertning transferini amalga oshirishni "Lester" bosh murabbiyi Brendan Rojers xohlamoqda. Chunki, murabbiy uning muxlisi sanaladi.

Sanches "Brayton"ga 2013 yilda "Levante" akademiyasidan kelib qo'shilgan edi. Uning shartnomasi 2025 yilgacha mo'ljallangan.

Joriy mavsumda 24 yoshli ispaniyalik “chaykalar” safida barcha musobaqalarda 37 ta o'yin o'tkazib, o'z darvozasidan 44 ta gol o'tkazib yubordi va 11 bor o'z darvozasi dahlsizligini saqlab qoldi. Transfermarkt portali darvozabonni 14 million evroga baholamoqda.