"Manchester Yunayted" de Yong uchun "Barselona" talab qilayotgan summani to'lamoqchi emas

"Manchester Yunayted" "Barselona" yarim himoyachisi Frenki de Yong uchun ortiqcha pul to'lamoqchi emas.

Kataloniya klubi yarim himoyachining transferidan 65 million funt (taxminan 75 million evro) ishlab olmoqchi. Chunki, 2019 yilda "Barselona" de Yongni "Ayaks"dan shuncha summaga sotib olgan.

Biroq Daily Mail xabariga ko'ra, "Manchester Yunayted" "Barselona" va de Yong vakillariga bu summani to'lay olmasligini aytgan, chunki bu summa klubning yozgi transfer byudjetining katta qismini tashkil qiladi.

25 yoshli yarim himoyachi joriy mavsumda Kataloniya klubi safida 46 ta o'yinda maydonga tushib, 4 ta gol urdi va 5 ta golli uzatmani amalga oshirdi.