"Latsio" Ukraina chempionatidan futbolchi sotib oldi

"Shaxtyor" yarim himoyachisi Markos Antonio "Latsio"ga o'tdi, deb xabar bermoqda jurnalist Nikolo Skira.

Manbaga ko'ra, Rim klubi futbolchi uchun sakkiz million evro to'laydi, "Shaxtyor" yana ikki million evro bonus oladi. Futbolchi bilan shartnoma 2027 yilgacha mo'ljallangan, yiliga ikki million evro maosh oladi.

Antonio Ukraina klubiga 2019 yilning fevral oyida portugaliyalik “Eshtoril” jamoasidan 3,5 million evro evaziga ko'chib o'tgan edi. Transfermarkt portali uni 8 million evroga baholamoqda.

Joriy mavsumda 21 yoshli braziliyalik futbolchi “Shaxtyor” safida barcha turnirlarda 28 ta o'yinda maydonga tushib, 3 ta gol urdi va bitta golli uzatmani amalga oshirdi.