Kulibali tezroq "Barselona"ga o'tmoqchi

"Napoli"ning senegallik himoyachisi Kalidu Kulibali yozgi transfer bozorida klubini o'zgartirib, "Barselona"ga o'tishga umid qilmoqda.

Diario Sport xabariga ko'ra, 30 yoshli senegallik futbolchi yozda Kataloniya jamoasiga o'tmoqchi. Himoyachi "ko'k-anorranglilar" rahbarlari ushbu transfer borasida "Napoli" bilan kelisha olishiga umid qilmoqda.

Eslatib o'tamiz, afrikalikning neapolliklar klubi bilan amaldagi shartnomasi 2023 yilning iyunigacha mo'ljallangan.

Joriy mavsumda Kalidu Kulibali Italiya chempionatida 26 ta o'yin o'tkazib, 3 ta gol va 2 ta golli uzatmaga mualliflik qilgan.