"Barselona" o'z futbolchisini "Valensiya"ga tavsiya qildi

"Barselona" o'z himoyachisi Serjino Destni sotmoqchi, deb xabar beradi Mundo Deportivo.

Manbaga ko'ra, "ko'k-anorranglilar" "Valensiya"ga Destni sotib olishni taklif qilgan. Himoyachidan tashqari, kataloniyaliklar Riki Puch va hujumchi Martin Breytveyt bilan ham xayrlashishga qarshi emaslar.

Dest “Barselona”ga 2020 yilda “Ayaks”dan 21 million evro evaziga o'tgan edi. O'shanda kataloniyaliklar futbolchi uchun kurashda "Bavariya"ni ortda qoldirgandi. Uning shartnomasi 2025 yilgacha mo'ljallangan.

Joriy mavsumda 21 yoshli amerikalik futbolchi barcha musobaqalarda 31 ta o'yin o'tkazib, 3 ta golli uzatmani amalga oshirdi.