"Chelsi" "Milan" sardoriga qiziqish bildirmoqda

"Milan" himoyachisi Alessio Romanoliga "Chelsi" klubi qiziqish bildirmoqda deya xabar bermoqda Mundo Deportivo.

Manba bergan xabarga ko'ra, Antonio Ryudiger va Andreas Kristensen ketganidan so'ng, bo'shab qolgan himoya chizig'ini to'ldirishi mumkin bo'lgan bu transferga shaxsan "ko'klar" bosh murabbiyi Tomas Tuxel qiziqmoqda. Ulardan tashqari "Chelsi"ni Sezar Aspilikueta va Markos Alonsoni ham tark etishi mumkin.

Ushbu shartnoma yozda tugaydigan Romanoliga "Barselona", "Sevilya", "Bavariya" va Dortmundning "Borussiya" klublari da'vogarlik qilmoqda.

Himoyachi 2015 yildan beri “Milan”da to'p suradi, jamoa sardori hisoblanadi.

Joriy mavsumda 27 yoshli italiyalik futbolchi “rossonerilar” safida barcha turnirlar doirasida 25 ta o'yinda maydonga tushib, bitta gol kiritdi va bitta golli uzatmani amalga oshirdi. Transfermarkt uni 20 million evroga baholamoqda.