"PSJ" "Milan" futbolchisining transferi uchun 70 million evro sarflashga tayyor

"PSJ" Rafal Leauga qiziqish bildirmoqda, ammo "Milan" futbolchisini o'z safida saqlab qolmoqchi.

La Gazzetta dello Sport nashrining yozishicha, «PSJ» 22 yoshli futbolchiga jiddiy qiziqish bildirmoqda va u uchun 70 million evro taklif qilishga tayyor. "Milan" hujumchini daxlsiz deb hisoblaydi va 100 million evro yoki undan ko'p taklif tushsagina uni qo'yib yuborishga rozi bo'ladi.

"Milan" tez orada Leau bilan yangi shartnoma imzolashni muhokama qiladi. Portugaliyalik futbolchining amaldagi shartnomasi 2024 yilning yoziga qadar amal qiladi, unga ko'ra u yiliga 1,5 million evro oladi. «Milan» hujumchiga yiliga 4,5 million evro maosh bilan 2026 yilning yoziga qadar shartnoma taklif qilishga tayyor.

Joriy mavsumda Leau «Milan» safida barcha turnirlar doirasidagi 41 ta o'yinda 14 ta gol urdi va 8 ta golli uzatmani amalga oshirdi.