Dibalaning "Inter"ga o'tishi oydinlashib bormoqda, argentinalik futbolchi Milan shahridan uy sotib oldi

Turinning "Yuventus" klubi hujumchisi Paulo Dibalani "Inter"ga o'tishi tobora yaqinlashmoqda. Calciomercato nashri bugun argentinalik futbolchi "neradzurrilar" mashg'ulot bazasi yaqinida joylashgan joydan uy sotib olganini ma'lum qildi.

Qayd etilishicha, “Arsenal” va “Tottenxem” qiziqishlari haqidagi mish-mishlarga qaramasdan, argentinalik futbolchi “Inter” futbolchisiga aylanadi. Dibala uchun asosiy ustuvor vazifa har doim A Seriyada qolish bo'lib kelgan, chunki futbolchi boshqa ligalarga o'tishni istamaydi.

Eslatib o'tamiz, avvalroq Dibala va "Yuventus" maosh borasida kelisha olmagandi. Turin klubi futbolchining yillik maoshini oshirishni istamadi, shu sababli argentinalik ketishga qaror qildi.