Rossiyalik yosh futbolchi faoliyatini La Ligada davom ettirishi mumkin

Rossiyalik futbolchi Georgiy Tunguliyadi faoliyatini Ispaniyaning La Ligasida davom ettirishi mumkin.

"Match TV" telekanali xabariga ko'ra, 17 yoshli himoyachi "Granada" ko'rigidan o'tadi. Huquqiy jihatdan "Saragosa" klubiga tegishli bo'lgan Georgiy yozgi o'quv-yig'in mashg'ulotlarini La Liga klubi bilan birga o'tkazadi.

Eslatib o'tamiz, Tunguliyadi kuzda 18 yoshga to'ladi, shundan so'ng u o'zining ilk professional shartnomasini imzolashi mumkin bo'ladi.

Mavsum yakunlanishiga bir tur qolganida 37 ochko to'plagan “Granada” Ispaniya La Ligasi turnir jadvalida 16-o'rinda bormoqda.