"Chelsi" Dembelening transferini amalga oshirmoqchi, buni Tuxel xohlamoqda

"Barselona" yarim himoyachisi Usmon Dembele "Chelsi"ning e'tiboriga tushdi.

Jurnalist Kristian Falkning yozishicha, vinger London klubi tomonidan sotib olinishi mumkin bo'lganlar ro'yxatiga kiritilgan. Qayd etilishicha, «ko'klar» bosh murabbiyi Tomas Tuxel va futbolchi Dortmundning «Borussiya»sida birga ishlagandan keyin bir-birlari haqida yuqori fikrda.

Shu bilan birga, Dembelening yuqori moliyaviy talablari transferga to'sqinlik qilishi mumkin.

Frantsiyalik futbolchi joriy mavsumda La Ligada 20 ta o'yinda maydonga tushib, 13 ta golli uzatmani amalga oshirdi.