"Manchester Siti" "Inter" himoyachisi uchun katta summa taklif qildi

"Manchester Siti" "Inter" himoyachisi Alessandro Bastoniga qiziqish bildirmoqda, deya xabar beradi La Gazzetta dello Sport.

Manbaga ko'ra, ingliz klubi 23 yoshli italiyalik futbolchi uchun 60 million evro taklif qilgan bo'lsa-da, "Inter" rad javobini bergan.

Qayd etilishicha, agar "Manchester Siti" taklifni oshirsa, Italiya klubi himoyachini sotishi mumkin.

Bastoni joriy mavsumda "neradzurrilar" safida 43 ta o'yinda maydonga tushib, 1 ta gol va 3 ta golli uzatmani amalga oshirdi. Uning klub bilan shartnomasi 2024 yilning 30 iyuniga qadar mo'ljallangan.