"Barselona" bu transferni deyarli hal qildi

Hujumchisi Robert Levandovski yozgi transfer oynasi vaqtida “Bavariya”ni tark etishga yaqin turibdi.

Futbol insayderi Nikolo Skiraning xabar berishicha, hujumchi Kataloniyaning “Barselona” klubi bilan muzokaralar olib borgan va 3 yillik shartnoma borasida kelishib olgan. Endi “ko'k-anorranglilar” rahbariyati “Bavariya” bilan polshalik futbolchining transferi bo'yicha muzokara olib borishi kerak.

Oldinroq OAVda "Barsa" goleador uchun 35 million evrodan ko'p bo'lmagan pul taklif qilishga tayyorligi haqida xabarlar tarqalgan edi.

Robertning "Bavariya" bilan shartnomasi 2023 yilda yakuniga etadi.