"Barselona"ga keraksiz futbolchi "Arsenal"ga o'tishi mumkin

"Barselona" himoyachisi Samuel Umtiti faoliyatini "Arsenal"da davom ettirishi mumkin. Futbolchi katta ehtimol bilan mavsum yakunida Kataloniya klubini tark etadi.

London klubi futbolchini uzoq vaqtdan beri kuzatib kelmoqda va bosh murabbiy Mikel Arteta uni yozgi transfer oynasida sotib olish haqida o'ylamoqda, deb xabar beradi Diario Sport.

Umtiti "Barselona"ga "Lion"dan kelib qo'shilgan va "Kamp Nou"dagi faoliyatini ajoyib boshladi, biroq ko'plab jarohatlar futbolchining Kataloniya klubidagi faoliyatiga nuqta qo'ydi.

Joriy mavsumda futbolchi La Ligada atigi 1 ta o'yin o'tkazdi.