"PSJ" ham, "Chelsi" ham Levandovskining fikrini o'zgartira olmayapti

Myunxenning “Bavariya” klubi hujumchisi Robert Levandovski “Barselona”ga o'tish niyatida. Insayder Fabritsio Romanoning so'zlariga ko'ra, polshalik hujumchi "Chelsi" va "PSJ" qiziqishlariga qaramay, "ko'k-anorranglilar" safiga ko'chib o'tmoqchi.

Eslatib o'tamiz, avvalroq Levandovski Bundesliganing so'nggi turida "Volfsburg" jamoasiga qarshi o'yin uning "Bavariya" libosidagi so'nggisi bo'lishi mumkinligini shaxsan tasdiqlagan edi. Polshalik futbolchi klubini o'zgartirish niyatini "Bavariya" sport direktori Xasan Salixamidjich ham tasdiqladi.

Ayni damda Levandovskining "Bavariya" bilan shartnomasi bir yildan keyin tugaydi. Myunxenliklar bu yozda hujumchini qo'yib yuborish niyatida emas.