Gyundoganni Madridda ko'rishdi, aftidan "Real" bilan muzokaralarni boshlagan

"Manchester Siti" yarim himoyachisi Ilkay Gyundoganni Madridda ko'rib qolishdi. Ijtimoiy tarmoqlarda esa "Real" vakillari futbolchi bilan bog'langani haqida ma'lumot paydo bo'ldi.

Futbolchining “shaharliklar” bilan shartnomasi 2023 yilda yakuniga etadi. Gyundogan jamoaning asosiy futbolchisi bo'lishni xohlaydi. "Manchester Siti" bosh murabbiyi Xosep Gvardiola yarim himoyachini klubda qoldirishni istaydi, biroq unga asosiy tarkibdan joy olishiga kafolat bera olmaydi. Agar futbolchi ketishni istasa, "Manchester Siti" uni saqlab qolmasligini bildirgan.

Gyundogan joriy mavsumda Premer-ligada 26 ta o'yinda maydonga tushib, 6 ta gol urdi va 4 ta golli uzatmani amalga oshirdi.