Risharlison "Arsenal"ga ko'chib o'tishi mumkin

"Everton" klubi hujumchisi Risharlison Londonning "Arsenal" jamoasiga o'tishi mumkin.

"Kanonirlar" bosh murabbiyi Mikel Arteta "Napoli" hujumchisi Viktor Osimxendan ko'ra braziliyalik futbolchini sotib olishni foydali deb hisoblamoqda.

Avvalroq, «Napoli» Osimxen uchun 100 million evro narx belgilagani xabar qilingandi. "Arsenal" bu futbolchi uchun transfer summasini juda yuqori deb hisoblamoqda.

Risharlison yangi chaqiruv izlab "Everton"ni tark etmoqchi ekanligi haqida ham ma'lumotlar bor edi. Hujumchining transferi 60-65 million evroga tushishi mumkin.

Futbolchi joriy mavsumda APLda 29 ta o'yinda maydonga tushib, 9 ta gol urdi va 5 ta golli uzatmani amalga oshirdi.