"Barselona" 55 million evroli transfer uchun rasmiy taklif yubordi

Kataloniyaning "Barselona" klubi "Lids" jamoasiga Rafinya Diaz uchun rasmiy taklif yubordi.

Kataloniya klubi futbolchi transferi uchun "Lids"ga 55 million evro taklif qildi. Kelajakda bir qator qo'shimcha shartlar bajarilsa, transfer summasi 65 millionga ko'tarilishi mumkin.

Biroq, ingliz klubi "Barselona"ga hozircha javob qaytargani yo'q, chunki ular hozirda Premer-ligadagi o'rnini saqlab qolish uchun kurash bilan band.

Rafinya «Lids»ga 2020 yilda «Renn»dan 20 million evro evaziga o'tgan edi. Futbolchi tezda o'zi uchun yangi jamoaning asosiy o'yinchisiga aylandi va hozirda Braziliya terma jamoasida muntazam ravishda o'ynab kelmoqda.

Joriy mavsumda futbolchi APLda 34 ta o'yin o'tkazib, 10 ta gol urdi va 3 ta golli uzatmani amalga oshirdi.