"Yuventus" Dibalaga o'rinbosar izlashda davom etmoqda

Italiyaning "Atalanta" klubi va Kolumbiya terma jamoasining 31 yoshli hujumchisi Luis Muriel kelayotgan transfer oynasida jamoasini tark etishi mumkin, deb xabar beradi La Gazzetta dello Sport.

Manba bergan xabarga ko'ra, futbolchini Turinning "Yuventus" klubi diqqat bilan kuzatib bormoqda va ular argentinalik Paulo Dibalaga o'rinbosar izlamoqda.

Kolumbiyalik futbolchining shartnomasi keyingi mavsum oxirida yakuniga etadi. Trasnfermarkt portali hujumchini 22 million evroga baholamoqda.

U "Atalanta"ga 2019 yilda Ispaniyaning "Sevilya" klubidan ko'chib o'tgan.

A Seriyaning joriy mavsumida Muriel 26 o'yinda qatnashib, raqib darvozasiga 9 ta gol kiritdi va 8 ta golli uzatmani amalga oshirdi.