"Barselona" "Real" rejasini buzmoqchi

"Barselona" rahbarlari yozda "Monako"ning frantsiyalik yarim himoyachisi Orelen Tchuameni o'z safiga qo'shib olmoqchi.

Fichajes nashri so'zlariga ko'ra, kataloniyaliklar jamoasi 22 yoshli futbolchini yozda sotib olishga harakat qiladi. Ispan klubiga bu kurashda “Real”, “Liverpul” va “PSJ” qarshilik qilishi mumkin.

Eslatib o'tamiz, transfermarkt portali yarim himoyachining narxini 40 million evroga baholamoqda.

Joriy mavsumda Orelen Tchuameni Frantsiya chempionatida 33 ta o'yin o'tkazib, 3 ta gol va bitta golli uzatmaga mualliflik qilgan.